Мюнхеннинг “Бавария” клуби спорт директори Макс Эберль жамоага янги бош мураббий изланиши ҳақида гапирди. Амалдаги мураббий Томас Тухель жорий мавсум якунида клубни тарк этади.
“Иш давом этмоқда. Аммо ҳозирча ҳеч қандай қарор қабул қилинмаган. Мен жамоани шакллантириш ва “ички ошхона” билан жумбоқ қисмларини бирлаштиришни яхши кўраман - мен мавжуд жамоа ўйинчилари билан шартномани узайтиришни назарда тутяпман”, деди Эберль.
Германия чемпионатининг 26-тури натижаларига кўра, “Бавария” пешқадам “Байер”дан ўн очко ортда қолиб, иккинчи ўринни эгаллаб турибди. Чемпионлар лигасида жамоа чорак финалга чиқди.
