Мадриднинг «Реал» клуби бош мураббийи Жозе Моуриньо кейинги мавсумда ҳам ўз ўрнини сақлаб қолиши мумкин, дея хабар бермоқда «AS» нашри.
Манбанинг маълум қилишича, клуб раҳбарлари Европа чемпионлар лигасининг 1/8 финал «МЮ»га қарши жавоб учрашувидан кейин футболчилар орасида Моуриньо кейинги мавсумда ҳам жамоани шуғуллантириши борасида гап-сўзлар пайдо бўлган.
Хабар қилинишича, «Реал» президенти Флорентино Перес бундай қарорга келишига «Барселона» устидан қозонилган иккита ғалаба ва «МЮ»нинг чемпионлар лигасида ортда қолдириши сабаб бўлган.
Эслатиб ўтамиз, Моуриньонинг «Реал» билан амалдаги шартномаси 2016 йилга қадар давом этиши кўзда тутилган.