Англия терма жамоаси бош мураббийи Гарет Саутгейт "Манчестер Юнайтед"ни бошқариши мумкин.
Охирги кунларда мутахассиснинг "қизил иблислар"да иш бошлаши мумкинлиги ҳақидаги миш-мишлар тарқалди. Саутгейт клубдаги келажаги ноаниқ қолаётган Эрик тен Хагнинг ўрнини эгаллаши мумкин. Афтидан, Англия терма жамоасининг амалдаги бош мураббийини "Манчестер Юнайтед"га таклиф қилиш ғояси янада кучайди. ESPN хабарига кўра, Саутгейт манкунианлик футболчилар орасида тобора кўпроқ қўллаб-қувватланмоқда.
Гарет Саутгейтнинг амалдаги шартномаси шу йилнинг охиригача, Эрик тен Хагнинг шартномаси эса 2024/25 йилги мавсум охирида тугайди.
