Германия футбол иттифоқи бош мураббий Юлиан Нагельсманн билан шартномани узайтиришни истамоқда.

Мутахассиснинг амалдаги шартномаси Германия терма жамоасининг Евро-2024 мусобақаси якунланганидан сўнг тугайди. Kicker хабарига кўра, Германия футбол ассоциацияси турнир якунланганидан кейин Нагельсманн билан ҳамкорликни давом эттирмоқчи. Дастлабки мунозаралар аллақачон бўлиб ўтган - мураббий терма жамоадаги фаолиятини давом эттириш учун очиқ. Тахминларга кўра, DFB бош мураббий билан автоматик равишда узайтириш банди бўйича келишиб олишни режалаштирмоқда, бу эса жамоа бўлажак Европа чемпионатида маълум бир босқичга чиққанидан сўнг кучга киради.

Эслатиб ўтамиз, Германия терма жамоаси гуруҳ босқичида Шотландия, Венгрия ва Швейцария билан ўйнайди.