Germaniya futbol ittifoqi bosh murabbiy Yulian Nagelsmann bilan shartnomani uzaytirishni istamoqda.
Mutaxassisning amaldagi shartnomasi Germaniya terma jamoasining Yevro-2024 musobaqasi yakunlanganidan so‘ng tugaydi. Kicker xabariga ko‘ra, Germaniya futbol assosiasiyasi turnir yakunlanganidan keyin Nagelsmann bilan hamkorlikni davom ettirmoqchi. Dastlabki munozaralar allaqachon bo‘lib o‘tgan - murabbiy terma jamoadagi faoliyatini davom ettirish uchun ochiq. Taxminlarga ko‘ra, DFB bosh murabbiy bilan avtomatik ravishda uzaytirish bandi bo‘yicha kelishib olishni rejalashtirmoqda, bu esa jamoa bo‘lajak Yevropa chempionatida ma’lum bir bosqichga chiqqanidan so‘ng kuchga kiradi.
Eslatib o‘tamiz, Germaniya terma jamoasi guruh bosqichida Shotlandiya, Vengriya va Shveysariya bilan o‘ynaydi.
