Ҳозирда "Болонья"да ўйнаётган 22 ёшли ҳужумчи Жошуа Зиркзее собиқ жамоаси "Бавария"га қайтиши мумкин. Бу ҳақда Kicker журналистлари хабар бермоқда.
Манбага кўра, немис гранди раҳбарияти Италия томони билан эҳтимолий келишувни муҳокама қилмоқда. "Бавария" ҳужумчини 22 миллион еврога сотиб олиш ҳуқуқига эга. Жошуанинг хизматларига "Милан", "Наполи" ва Туриннинг "Ювентус" клублари ҳам қизиқиш билдирмоқда.
Зиркзее 2022 йилнинг ёзидан буён "Болонья" сафида тўп тепмоқда. Ўшанда италияликлар уни 8,5 миллион еврога сотиб олишганди.
Жорий мавсумда форвард 30 та ўйин ўтказиб, 11 та гол ва 6 та голли узатмани амалга оширди.
