“Интер” ярим ҳимоячиси Генрих Мхитарян “Ливерпуль” бош мураббийи Юрген Клопп ҳақидаги фикрлари билан ўртоқлашди.
Мхитарян германиялик мутахассисни футболчиларга ўз қобилиятига ишонч бағишлайдиган яхши психолог деб атади.
“Сизга ишонч ва ҳаракат эркинлигини берувчи психолог. Сиз у учун жонингизни беришга тайёр бўласиз", - дея Мхитаряннинг сўзларини келтиради "Интер" расмий сайти.
Эслатиб ўтамиз, Мхитарян 2013 йилдан 2016 йилгача "Боруссия"да ўйнаган. "Асаларилар" таркибида ярим ҳимоячи икки марта Германия Суперкубогини қўлга киритди. Клопп немис клубини 2015/2016 йилги мавсум бошида тарк этганди.
