"Астон Вилла" вингери Леон Бэйли Англия Премьер-лигасининг йирик клубларидан бирига ўтишни истамоқда.
"Англияда катта жамоалар бор, улар ўзларини катта олтилик деб аташади. "Арсенал" ва "Челси"... Ким катта клубга ўтишни хоҳламайди? Айниқса, Ямайкадан келган йигит ҳақида гап кетганда. Бу мамлакат учун қанчалик муҳимлигини биласизми? Биз ямайкаликларга Европага бориш қийин. Мен ўз фаолиятидан мамлакатимиз ва ёш истеъдодларимизга ёруғлик бериш учун фойдаланмоқчиман" - деди Бэйли "Ҳалол бўлайлик" подкастида.
2023/2024 йилги мавсумда Бэйли 40 та ўйин ўтказиб, 12 та гол урди ва 11 та голли узатмани амалга оширди. Transfermarkt портали 26 ёшли футболчини 35 миллион еврога баҳоламоқда.
