"Aston Villa" vingeri Leon Beyli Angliya Premyer-ligasining yirik klublaridan biriga o‘tishni istamoqda.
"Angliyada katta jamoalar bor, ular o‘zlarini katta oltilik deb atashadi. "Arsenal" va "Chelsi"... Kim katta klubga o‘tishni xohlamaydi? Ayniqsa, Yamaykadan kelgan yigit haqida gap ketganda. Bu mamlakat uchun qanchalik muhimligini bilasizmi? Biz yamaykaliklarga Yevropaga borish qiyin. Men o‘z faoliyatidan mamlakatimiz va yosh iste’dodlarimizga yorug‘lik berish uchun foydalanmoqchiman" - dedi Beyli "Halol bo‘laylik" podkastida.
2023/2024 yilgi mavsumda Beyli 40 ta o‘yin o‘tkazib, 12 ta gol urdi va 11 ta golli uzatmani amalga oshirdi. Transfermarkt portali 26 yoshli futbolchini 35 million yevroga baholamoqda.
