"Барселона" ва Испания терма жамоасининг собиқ ҳимоячиси Жерар Пике ватандоши Хаби Алонсонинг "Байер"даги ютуқлари ҳақида гапирди.

Испаниялик собиқ ярим ҳимоячи бошчилигидаги “фармацевтлар” Бундеслигада шов-шувли тарзда чемпионликка яқин турибди, шунингдек, Европа Лигаси ва Германия кубогида ғалаба қозонишни даъво қилмоқда.

Шунингдек, леверкузенликлар жорий мавсумда ҳали бирорта ҳам мағлубият аламини тотиб кўрмагани эътиборга молик.

Алонсонинг муваффақиятли фаолияти эътибордан четда қолмайди: у "Ливерпуль", "Бавария" ва бошқа топ-клубларга тайинланиши мумкин.

"Албатта, мен Хаби Алонсода муваффақиятли мураббийлик фаолияти учун барча зарур фазилатлар мавжудлигини кўрдим.

У шунчаки футболни яхши кўради. Унинг услубида Бускетсга ўхшаш ўйинчилар жуда кўп.

Серхио ҳамон ўйнаяпти, лекин келажакда у ҳам ажойиб мураббийга айланади. Хаби нега ўзини бунчалик қадрлашлари кераклигини аллақачон кўрсатиб бўлди", - деди Пике Sky Sports нашрига.