Олмалиқда «Олмалиқ» Зарафшоннинг «Қизилқум» клубини қабул қилиб бу ийлги чемпионатдаги дастлабки ғалабасини тантана қилди.

Бу сафар ҳам жамоа рақибни икки тўп фарқи билан ортда қолдираётганди. Бу сафар ҳам жамоа сал бўлмаса, ўша фарқни бой бериб қўяй деганди. Бироқ бу сафар «Қизилқум»га вақт етмай қолди.

Учрашувнинг 70-дақиқасида ҳисоб очилганди. Бурчакдан етказиб берилган тўпни Шаҳбоз Эркинов дарвозаг аниқ йўллаб жамоасини ҳисобда олдинга олиб чиққан бўлса, 78-дақиқага келиб эса жамоа Мўйдин Мамазулунов Диёр Туропов томонидан етказиб берилган тўпни дарвозага аниқ жойлаб қўйди ва жамоасини икки тўп фарқи билан олдинга олиб чиқди.

Худди «Насаф»га қарши учрашувда бўлгани каби «Олмалиқ» охирги дақиқаларда ўз жарима майдонига қамалиб қолди ва натижада ҳакам томонидан қўшиб берилган 5-дақиқада ўз дарвозасидан тўп ўтказиб юборди. Олим Новкаров зарафшонликлар голига муаллифлик қилди. Қолганига вақт етмай қолди. Акс ҳолда Қаршидаги ҳолат қайтарилиши мумкинлигини бирор киши инкор эта олмасди.

ЎзПФЛ. 2-тур
ОЛМАЛИҚ – ҚИЗИЛҚУМ 2:1 (0:0)
Голлар: Шаҳбоз Эркинов (70), Мўйдин Мамазулумов (78) - Олим Новкаров (90+5).
«Олмалиқ»: 1. Мақсатмурод Шомуродов, 2. Тимур Кагиров, 3. Азамат Исроилов, 5. Евгений Гоголь, 6. Акмал Рустамов, 7. Достон Абдураҳмонов, 9. Зафар Полвонов (10. Мўйдин Мамазулумов, 62), 11. Зоҳир Пиримов (23. Шерали Жўраев, 55), 18. Самандар Шодмонов (13. Игор Петкович, 68), 21. Шаҳбоз Эркинов, 24. Диёр Туропов.
«Қизилқум»: 70. Элдор Тожибоев (1. Эркин Жабборов, 60), 2. Тимур Яфаров, 6. Фаррух Ҳайдаров, 7. Андрей Власичев, 9. Олим Навкаров, 10. Феруз Бобоқулов (11. Наврўз Алимов, 82), 12. Темур Айзатуллов, 19. Яннис Мандзукас, 20. Илья Ильин, 22. Алишер Саматов (15. Муқимжон Тошматов, 57), 41. Азиз Ғуломхўжаев.

Ҳакамлар: И. Танташев (Бухоро), Б. Қодиров (Бухоро), А. Қўлдошев (Бухоро), В. Агишев (Тошкент).
Назоратчи: И. Нехочин (Тошкент).