Криштиану Роналду Словенияга қарши ўртоқлик учрашувида иштирок этади.

Бу ҳақда португалияликлар бош мураббийи Роберто Мартинес маълум қилди.

Бир кун аввал “Ан-Наср” ҳужумчиси Саудия Арабистонидаги мини-таътил туфайли Швеция билан ўртоқлик ўйинини (5:2) ўтказиб юборганди.

“Кейинги ўйинда Бернарду Силва, Рубен Диаш, Жоау Палинья, Нельсон Семеду, Тоте Гомеш, Рафаэль Леау, Бруну Фернандеш ва Гонсалу Рамушлар дам олишади.

Шундай қилиб, саккиз нафар ўйинчи жамоанинг қароргоҳини тарк этади ва саккиз нафари уларнинг ўрнини эгаллайди. Умид қиламанки, улар ташналик ва кучга тўла”, - деди Мартинес.

Сешанба куни Словения ва Португалия ўртасидаги учрашув бўлиб ўтади.