Ҳозирда бир қанча ёш футболчилар юқори савияда ўйнашмоқда. Goal портали 2005 йил 1-январдан кейин туғилган дунёдаги энг яхши вундеркиндлари рўйхатини тузди. Кимлар кучли бешликка кирганини кўриб чиқамиз.
5-ўрин – Арда Гюлер
"Реал Мадрид" ярим ҳимоячиси жорий мавсумда бор йўғи 7та ўйинда майдонга тушиб, битта гол урган. 19 ёшли футболчи жароҳати сабаб чемпионатнинг ярмини ўтказиб юборишга мажбур бўлди. Анчелотти секинлик билан уни асосий таркибга жалб қиляпти.
4-ўрин - Матис Тель
"Бавария" ҳужумчиси жорий мавсумда 33 та ўйинда майдонга тушди. 18 ёшли футболчи саккизта гол урди ва тўртта голли узатмани амалга оширди. Матис бошқа ёш футболчилар фонида кўп гол уриши билан ажралиб турибди.
3-ўрин - Уоррен Заир-Эмери
18 ёшли ярим ҳимоячи "ПСЖ" сафида 33 та ўйин ўтказиб, 3 та гол урди ва 6 та голли узатмани амалга оширди. У аллақчон жамоасининг асосий таркиб футболчисига айланиб улгурди.
2-ўрин - Эндрик
"Палмейрас"нинг 17 ёшли форварди жорий мавсумда 6 та ўйинда майдонга тушиб, 1 та гол ва 1 та голли узатмани амалга оширди. 2024 йилнинг ёзида у "Реал Мадрид"га ўтади. Европа келиши билан у яна-да кўпроқ эътибор марказига тушади. Унинг ўйинларини реалчилар интизорлик билан кутаётган бўлса ажаб эмас.
1-ўрин - Ламин Ямаль
16 ёшли вингер “Барселона” сафида 39 та ўйинда майдонга тушган. Унинг ҳисобида олтита гол ва еттита голли узатма бор. Ямаль Хавининг ҳақиқий топилмаси бўлди, десак хато қилмаган бўламиз. Ламин келаси мавсумда 10-рақамли футболкада ҳаракат қилишини ҳисобга олсак, унга ишонч яна-да ортади.
