«Барселона» футболчиси Леонэль Месси ўзи туғилган шаҳардаги болалар касалхонасининг таъмирлаш ишлари учун 600 минг евро ажратди. Бу ҳақда Франциянинг «Экип» газетасининг расмий сайтида хабар тарқатилган.
Бу пуллар мамлакат пойтахтидан 300 км узоқликда жойлашган касалхонанинг онкология бўлимини таъмирлаш учун ишлатилади.
Эслатиб ўтамиз Лео ўз она шаҳрига тез-тез шундай ишларни амалга ошириб туради. Аввалроқ спорт комплексини тиклаш учун 152 минг евро сарфлаган эди. Бундан ташқари Росариода Мессининг қарамоғидаги хайрия фонди фаолият олиб боради.