Нуфузли Transfermarkt интернет-портали бугунги ҳолатга кўра жаҳон футболидаги энг қиммат ҳужумчилар рейтингини тузди.
Манбага кўра, футболдаги энг қиммат форвард унвонини бир вақтнинг ўзида уч нафар футболчи бўлишиб турибди: «Барселона» вингери Ламин Ямаль, «Манчестер Сити» тўпурари Эрлинг Холанд ва «Реал» етакчиси Килиан Мбаппе. Уларнинг ҳар бирининг бозор қиймати — 200 миллион евро.
Қайд этиш жоизки, Ямал 18 ёшда, Холанд — 25 ёшда, Мбаппе эса 27 ёшда.
Етакчилар учлигидан кейин «Реал» футболчиси Винисиус Жуниор жой олган бўлиб, унинг трансфер баҳоси 150 миллион еврони ташкил этади. Кейинги ўринларда эса 130 миллион еврога баҳоланаётган уч нафар ўйинчи қайд этилган: Букайо Сака («Арсенал»), Александер Исак («Ливерпуль») ва Майкл Олисе («Бавария»).
1. Ламин Ямаль — «Барселона» (€200 млн)
2. Эрлинг Холанд — «Манчестер Сити» (€200 млн)
3. Килиан Мбаппе — «Реал» (€200 млн)
4. Винисиус Жуниор — «Реал» (€150 млн)
5. Букайо Сака — «Арсенал» (€130 млн)
6. Александер Исак — «Ливерпуль» (€130 млн)
7. Майкл Олисе — «Бавария» (€130 млн)













