"Кристал Пэлас" марказий ҳимоячиси Марк Гехи ҳамон Мадриднинг "Реал" клубига ўтиши мумкин.
Diario AS хабарига кўра, "қаймоқранглилар" 25 ёшли Гехининг атрофидагилар билан алоқага чиққан. Таъкидланишича, ҳимоячининг ўзи келаси ёзда "бургутлар" билан шартномаси якунлангач, "Реал"га ўтишни маъқул кўрмоқда. Шунингдек, Гехининг хизматларига ҳамон "Ливерпуль" қизиқиш билдирмоқда.
Жорий мавсумда Гехи барча мусобақаларни инобатга олган ҳолда 28та ўйин ўтказди. Бу оралиқда ҳимоячи учта гол урди ва тўртта ассист муаллифига айланди.
Гехининг "Кристал Пэлас" билан амалдаги шартномаси 2026 йилнинг июнигача мўлжалланган.
