«Барселона» бош мураббийи Ханс-Дитер Флик Испания чемпионатининг 18-тури доирасида «Эспаньол»га қарши ўйин олдидан каталонликларнинг эҳтимолий трансферлари ҳақида фикр билдириб, жамоа ҳимоя чизиғини кучайтириш зарурлигини таъкидлади.
«Ҳимоя чизиғига қарасам, бизга яна битта футболчи керак, деб ўйлайман. Кутишга ва вазиятни кузатишга тўғри келади. Бу оқилона қадам бўлиши керак, январь ойида эса бу осон эмас», — дея Фликнинг сўзларини Sport.es келтиради.
Эслатиб ўтамиз, «кўк-анорранглилар» ҳимоячиси Андреас Кристенсен 21 декабрь куни машғулот пайтида ноқулай ҳаракат оқибатида чап тиззасининг олд хочсимон боғламида қисман узилиш олган эди. Ундан олдин «Барселона» сардори Роналд Араухо психологик муаммолар сабаб таътилга чиқишга мажбур бўлган. Айни пайтда уругвайлик футболчи жамоа билан машғулотларни қайта бошлаган.













