Нигерия терма жамоаси ҳужумчиси Виктор Осимхен фаолиятини қаерда давом эттириш борасида қарор қабул қилди.
Журналист Руди Галеттининг сўзларига кўра, “Наполи” ҳужумчиси аввалроқ хабар қилинганидек, “Арсенал”дан кўра “Челси”га ўтишга мойил.
25 ёшли футболчининг "Наполи" билан шартномаси 2026 йилнинг ёзига қадар тузилган ва унинг трансфер қиймати 110 миллион еврога баҳоланмоқда. Осимхеннинг ёзги мавсумда Италия клубини тарк этиши эҳтимоли юқори, чунки у фаолиятида янги чақирув олишни хоҳлайди.
Жорий мавсумда форвард Италия чемпионатида 17 та ўйин ўтказиб, 11 та гол урди ва 3 та голли узатмани амалга оширди.
