Эндрик Бразилия терма жамоасидаги илк голини “Уэмбли”да Англияга қарши ўйинда киритди.

Англия терма жамоаси “Уэмбли”да ўтказилган ўртоқлик учрашувида Бразилияга (0:1) мағлуб бўлди.

Ўйиннинг 81-дақиқасида бразилиялик ҳужумчи Эндрик терма жамоа сафидаги илк голни урди. Винисиус Жуниор яккама-якка имкониятни голга айлантира олмаганидан сўнг, у тўпни дарвозага йўллаган ҳолда ҳужумни якунлади.

Айни пайтда Эндрик 17 ёш, 8 ой ва 3 кунлик.

Бразилия терма жамоаси сафида расмий ўйинларда фақат Пеле (16 ёш, 8 ой, 14 кун), Эду (16 ёш, 10 ой, 2 кун) ва Роналдо (17 ёш, 7 ой, 12 кун) ундан ёш ҳолатида гол уришган.

Ҳужумчи "Реал"га тегишли ва ҳозирда "Палмейрас" шарафини ҳимоя қилмоқда.