Туриннинг "Ювентус" клуби мавсум охирида шартномаси тугайдиган бош мураббий Массимилиано Аллегрининг келажаги борасида ҳеч қандай қарор қабул қилишга шошилмаяпти.
Журналист Никколо Чеккаринининг маълумотларига кўра, жамоа мавсум якунида ўз устози билан музокаралар столига ўтириб, келажакни муҳокама қилади. "Ювентус" ҳозирда А Серия турнир жадвалида учинчи ўринни эгаллаб турибди.
"Кекса синьора" раҳбарияти жамоанинг ўйинидан тўлиқ қониқмаяпти, шу боис Аллегри ёзда истеъфога чиқарилиши мумкин. Аввалроқ Антонио Конте "Ювентус" бош мураббийи лавозимига қайтиши мумкинлиги ҳақида хабарлар тарқалган эди.
