Turinning "Yuventus" klubi mavsum oxirida shartnomasi tugaydigan bosh murabbiy Massimiliano Allegrining kelajagi borasida hech qanday qaror qabul qilishga shoshilmayapti.
Jurnalist Nikkolo Chekkarinining ma’lumotlariga ko‘ra, jamoa mavsum yakunida o‘z ustozi bilan muzokaralar stoliga o‘tirib, kelajakni muhokama qiladi. "Yuventus" hozirda A Seriya turnir jadvalida uchinchi o‘rinni egallab turibdi.
"Keksa sinyora" rahbariyati jamoaning o‘yinidan to‘liq qoniqmayapti, shu bois Allegri yozda iste’foga chiqarilishi mumkin. Avvalroq Antonio Konte "Yuventus" bosh murabbiyi lavozimiga qaytishi mumkinligi haqida xabarlar tarqalgan edi.
