Франциянинг “ПСЖ” клуби ярим ҳимоячиси Фабиан Руис УEФА Чемпионлар лигаси чорак финалида жамоадоши Килиан Мбаппе ва “Барселона” ҳимоячиси Пау Кубарси ўртасида юзага келиши мумкин бўлган қарама-қаршилик ҳақида гапирди.
"Кубарси юқори даражадаги ўйин кўрсатмоқда. Шу боис уни терма жамоага чақиришди. Биз унинг ўйинини батафсил ўрганамиз. Бу йигитнинг келажаги катта. Мбаппе ҳақида ҳамма нарса узоқ вақтдан бери маълум, у кўп йиллардан бери юқори савияда ўйнамоқда. Килиан дунёнинг энг яхшиларидан бири эканлигини исботлади. Умид қиламизки, бу қарама-қаршилик бизнинг фойдамизга бўлади", - дейди Фабиан.
"ПСЖ" ва "Барселона" ўртасидаги ўйинлар 10 ва 16 апрель кунлари бўлиб ўтади.
