Ҳужумчи Виктор Осимхен ёзги трансфер ойнасида “Наполи”ни тарк этиши мумкин. "Челси" нигериялик футболчини қўлга киритиш учун фаворит ҳисобланади.
La Gazzetta dello Sport хабарига кўра, амалдаги Италия чемпионлари Осимхеннинг трансферидан катта сумма 110 дан 130 миллион еврогача ишлаб олишни кутишмоқда.
Айтиш жоизки, январ ойида 25 ёшли Осимхен ёзда жамоасини ўзгартириб, фаолиятидаги навбатдаги қадамни қўйиш истаги борлигига шама қилган эди.
2023/2024 йилги мавсумда Виктор 24 та ўйин ўтказиб, 13 та гол урди ва 4 та голли узатмани амалга оширди.
