Аргентина терма жамоаси ҳимоячиси Лисандро Мартинес терма жамоадан “Манчестер Юнайтед”га қайтди.
Эслатиб ўтамиз, Мартинес тиззасидан олган жароҳати туфайли олти ҳафта майдонга тушмаганига қарамай, терма жамоага чақирилган эди.
Клуб ҳимоячига Жанубий Америкадаги интенсив машғулотлардан ўтиб тезда формага кириши учун Аргентинага қўшилиши учун рухсат берди, бироқ Мартинес аргентиналикларнинг Сальвадор билан ўйинида (3:0) иштирок этмади.
Футболчи келаси шанба куни "Брентфорд"га қарши ўйинга тайёргарлик кўриш учун Манчестерга қайтди.
Эслатиб ўтамиз, Англия чемпионатининг жорий мавсумида Мартинес саккизта ўйин ўтказди.
