Швейцария терма жамоаси ва Миланнинг "Интер" клуби дарвозабони Ян Зоммер жароҳати сабаб терма жамоани тарк этди. Бу ҳақда La Gazette Dello Sport хабар бермоқда.
Манбага кўра, Зоммер "Интер"га қайтади ва у ерда тиббий кўрикдан ўтади. Маълумотларга кўра, дарвозабоннинг ўнг тўпиғи қайрилган. Терма жамоада Зоммер ўрнига Мёнхенгладбахнинг "Боруссия" клубидан Йонас Омлин келади.
Эслатиб ўтамиз, Ян Зоммер Швейцария терма жамоаси ва Дания терма жамоаси ўртасидаги ўртоқлик учрашувида жароҳат олган эди. Дарвозабон бурчак зарбаси вақтида тўпиғидан жароҳат олди ва 37 дақиқа ўтиб алмаштирилди. Учрашув дуранг билан якунланди - 0:0.
