Германия терма жамоасининг собиқ футболчиси Лотар Маттеус Германия терма жамоасининг Франция устидан қозонилган 2:0 ҳисобидаги ғалабасидан сўнг бугунги ҳолати ҳақида гапирди ва бош мураббий Юлиан Нагельсманнинг ишига ҳам баҳо берди.
"Жамоа тўғри йўлда, ёш, тажрибали, тезкор ва ақлли футболчиларнинг комбинацияси ҳам тўғри. Сифат юқори ва футболчиларда Европа чемпиони бўлиш учун ҳамма нарса бор. Аммо бу ўйин фақат бошланиши эди. Энг муҳими, Нагельсманн бу ўйинчиларни нафақат яхши зарба берадиган, балки бир-бирига ёпишиб оладиган яхлит бўлинмага айлантиради. Шунинг учун у уларни танлади", - деди Маттеус.
23 март куни Германия терма жамоаси Франция терма жамоаси билан ўртоқлик учрашуви ўтказди. Учрашув 2:0 ҳисобида Юлиан Нагельсманн шогирдларининг ғалабаси билан якунланди. Голларга Флориан Вирц ва Кай Хаверц муаллифлик қилишди.
