"Реал" ярим ҳимоячиси Тони Кроос "ПСЖ" ҳужумчиси Килиан Мбаппенинг ўз клубига ўтиши мумкинлиги ҳақидаги миш-мишларга изоҳ берди.
"Реал Мадрид"га энг яхши футболчилар керак ва у шубҳасиз улардан бири. Асосийси ғалаба қозониш, лекин менимча, бизда аллақачон яхши жамоа шаклланган", - дея Крооснинг сўзларини келтирмоқда Marca.
Мбаппе ёзги трансфер ойнасида «ПСЖ»ни тарк этиши ва фаолиятини «Реал»да давом эттириши мумкинлиги ҳақида аввалроқ хабар берилган эди.
Франциялик форварднинг ўзи келажаги ҳақидаги қарорни Евро-2024 олдидан эълон қилишини айтганди.
