Грузия терма жамоаси ҳужумчиси Хвича Кварацхелия 2024 йилги Европа чемпионатининг Греция терма жамоаси билан бўлиб ўтадиган сўнгги саралаш ўйини олдидан умидлари билан ўртоқлашди.
"Биз қўлимиздан келганини қиламиз, рақибимизни ҳурмат қиламиз, лекин кучли томонларимизни биламиз ва ўзимизга ва мухлисларимизга ишонамиз.
Мен яхши формадаман ва жамоага ғалаба қозонишда ёрдам бераман деган умиддаман. Терма жамоада ким гол уриши муҳим эмас, энг муҳими, майдонда курашиш ва ғалаба қозонишдир", - дея Кварацхелиянинг сўзларини келтиради УEФА расмий сайти.
Ўйин 26 март куни Тбилисидаги "Борис Паичадзе" стадионида 22:00да бошланади.
