Станислав Черчесов Озарбайжон терма жамоасини бошқариши мумкин.
Черчесов бу лавозимга учта номзоддан бири, деб ёзади “Чемпионат” вазиятдан хабардор манбага таяниб.
Озарбайжон футбол федерацияси ҳали мураббийга таклиф билан чиқмаган, бироқ уни номзодлар рўйхатига киритган.
60 ёшли мураббийнинг сўнгги иш жойи Венгриянинг "Ференцварош" клуби бўлиб, у ерда 2023 йилнинг июлигача ишлаган.
Аввалроқ Черчесов Россия терма жамоасини бошқарган, унгача эса Польшанинг “Легия”, “Динамо”, “Амкар”, “Терек” (ҳозирги “Ахмат”), “Жемчужина” ва “Спартак” клубларида ишлаган.
