Бразилия терма жамоаси ҳужумчиси Эндрик "Реал" ярим ҳимоячиси Лука Модрич билан суҳбати ҳақида гапирди.
"Реал Мадрид"нинг кийим алмаштириш хонасидаги учрашувимизни эслайман. Модрич 10 ва 9 рақамли шкафларни кўрсатди. У менга ўз ёнига ўтиришни таклиф қилди. Менга унинг сўзлари ёқди. Умид қиламанки, Мадридда тўққизинчи рақамда ўйнайман", - деди 17 ёшли ҳужумчи.
Эслатиб ўтамиз, Эндрик ёзги трансфер ойнасида Мадрид грандига ўтади. Айни пайтда иқтидорли бразилиялик форвард ўз юртида "Палмейрас" клубида тўп тепмоқда.