"Милан" раҳбарлари франциялик ҳимоячи Тео Эрнандесга янги шартнома таклиф қилмоқчи. Бу ҳақда Football Italia журналистларига маълум бўлди.

Италия клуби футболчининг “Бавария”га эҳтимолий трансферини бузиш учун унинг шароитини яхшилашга қарор қилди. “Россонери” раҳбариятининг маслаҳатчиси бўлиб ишлаётган Златан Ибраҳимович жамоанинг етакчи футболчиси билан шахсан музокара олиб боради.

Жорий мавсумда Эрнандес барча турнирларда 38 та ўйинда иштирок этган. Франциялик футболчининг ҳисобида бешта гол ва ўнта голли узатма бор. Томонлар ўртасидаги амалдаги шартнома муддати 2026 йилнинг ёзига қадар ҳисобланган.