Англия терма жамоаси бош мураббийи Гарет Саутгейт Бельгия терма жамоаси билан ўтказилган ўртоқлик учрашувидан (2:2) сўнг ўз таассуротлари билан ўртоқлашди.

Инглизлар икки марта ҳисобда ортда қолиб, мағлубиятдан қутулиб қолишди.

“Жуд, албатта, ҳозир диққат марказида. Бу рақобат руҳи, охиригача курашиш истаги. У бугун сўнгги дақиқаларда гол урилган эпизодда асосий рол ўйнади. Тажрибасиз футболчилар борлигига қарамай, бутун жамоа тўғри муносабат кўрсатди.

Биз чинакам ажойиб футболчиларга эга Бельгия терма жамоасига қарши турдик. Кеча кўрганларимдан жуда мамнунман", - деди Саутгейт ўйиндан кейинги интервюсида.