"Манчестер Юнайтед" марказий ҳимоячи позициясини мустаҳкамлаш учун номзодлар сифатида қуйидаги футболчиларни аниқлади: Жан-Клер Тодибо ("Ницца"), Антониу Силва ("Бенфика") ва Дайо Упамекано ("Бавария"). Бу ҳақда журналист Руди Галетти Х ижтимоий тармоғида (собиқ Twitter) хабар берди.

Жамоани ёзда Рафаэль Варан ва Харри Магуайр тарк этиши кутилмоқда.

Олдинроқ, "қизил иблислар" раҳбарлари яқинлашиб келаётган ёзги трансфер ойнасида Силва учун тахминан 100 миллион евро тўлашга тайёр экани ҳақида маълумотлар пайдо бўлганди. Манкунианликлар жорий мавсумда мунтазам равишда ўз скаутларини "Бенфика" ўйинларига жўнатишмоқда.