"Реал"нинг германиялик ярим ҳимоячиси Тони Кроос Мадрид клуби билан янги шартнома борасида келишиб олди.
Ярим ҳимоячи Испания пойтахтида 2025 йилнинг ёзига қадар қолади, дея хабар беради таниқли журналист ва инсайдер Фабрицио Романо Х ижтимоий тармоғида (собиқ Twitter).
Футболчининг клуб билан амалдаги шартномаси 2024 йилнинг ёзига қадар мўлжалланган. Жорий мавсумда Тони “Реал” сафида барча турнирларда 38 та ўйин ўтказиб, битта гол ва 7 та голли узатмага муаллифлик қилган.
Transfermarkt интернет порталига кўра футболчининг тахминий нархи 14 миллион еврони ташкил қилади.
