"Манчестер Юнайтед" келаси ёзда бош мураббийини ўзгартириши мумкин. Клубнинг янги хўжайини Жим Рэтклифф Эрик тен Хагни янги лойиҳага яроқсиз деб ҳисобласа, у билан хайрлашиши мумкин.
The Sun нашрининг ёзишича, Гарет Саутгейт тен Хаг ўрнини эгаллаш учун фаворит ҳисобланади. Манбага кўра, "Манчестер Юнайтед" ёзда "Олд Траффорд"га нафақат Саутгейтни, балки Англия терма жамоасининг амалдаги барча мураббийлар штабини ҳам олиб келишга ҳаракат қилади.
"Манчестер Юнайтед"нинг Премьер-лигадаги энг яқин тақибчиси "Брентфорд" бўлади. Тен Хаг жамоаси ҳозирда турнир жадвалида олтинчи ўринни эгаллаб турибди.
