ЛДПР фракциясидан Давлат Думаси депутати Дмитрий Свишчев "Вконтакте" ижтимоий тармоғида Франция – Чили ўртоқлик учрашуви ҳақидаги фикрлари билан ўртоқлашди.
"Крокус сити холл"га қилинган қуролли ҳужум қурбонлари билан қайғу ва бирдамлик белгиси сифатида ўйин бир дақиқалик сукут сақлаш билан бошланди.
"Ўйин бошланишидан олдин стадион диктори йиғилганларга мурожаат қилиб, теракт оқибатида жабрланганларнинг барчасига ҳамда уларнинг оила аъзоларига ҳамдардлик билдирди. Франция футбол федерациясининг бу ташаббусидан ҳайратдаман, лекин улардан жуда миннатдорман. Франция президенти яқинда Россияга қарши позицияни эгаллаганини ҳисобга олсак, бу муҳим ҳаракат. Спортчилар, спорт жамоатчилигининг турли соҳалари вакиллари бу борада турлича фикр билдираётганидан хурсандман", — деб ёзди депутат ижтимоий тармоқда.
