Январь ойида Италиянинг "Милан" клуби "Бока Хуниорс"да ўйнаётган аргентиналик ҳимоячи Аарон Анселминьога қизиқиш билдираётгани ҳақида хабар берган эдик. pianetamilan.it'нинг аниқлик киритишича, Италия клуби ҳозирда келишувга жуда яқин турибди, бироқ музокаралар натижаси, биринчи навбатда, футболчининг ўз хоҳишига боғлиқ бўлади.
Аргентиналиклар унинг учун 20 миллион евро сўрамоқда. Аммо "Милан" бундай пул ажратган тақдирда ҳам, барибир футболчининг розилигини олиш керак - ва у мавжуд маълумотларга кўра, ҳозир ўз клубида қолишга мойил.
Айни дамда “Милан” Италия А Серияси турнир жадвалида иккинчи ўринда бормоқда.
