Каталониянинг “Барселона” клуби Испания чемпионати доирасидаги “Лас-Пальмас”га қарши навбатдаги ўйинда икки футболчисига таяна олмаслиги мумкин. Mundo Deportivo хабарига кўра, Андреас Кристенсен ва Рональд Араухо жамоага ёрдам бера олмайди.

Иккала футболчи ҳам терма жамоалар сафида жароҳат олган, шу боис уларнинг “Лас-Пальмас”га қарши ўйиндаги иштироки сўроқ остида. Тиббиёт ходимлари ўйин олдидан Араухо ва Кристенсеннинг аҳволига баҳо беришади, шундан сўнг қарор қабул қилинади.

"Барселона" айни дамда Испания чемпионатида иккинчи ўринда бормоқда.