Каталониянинг "Барселона" клуби жамоанинг ҳимоя чизиғини кучайтириш ҳақида ўйламоқда. Todofichajes журналистларига маълум бўлишича, жамоа қизиқиш доирасига Леверкузеннинг "Байер" футболчиси Алехандро Гримальдо киради.

28 ёшли қанот ҳимоячиси "Барселона" академияси битирувчиси ҳисобланади. Гримальдо "Байер"да 2023 йилнинг ёзидан буён ўйнамоқда. Унинг шартномаси 2026/2027 йилги мавсум охиригача амал қилади.

Трансфер нархи 45 миллион еврога баҳоланмоқда. Ҳимоячи Бундеслиганинг жорий мавсумида 26 та ўйинда майдонга тушди. Гримальдо ҳисобида 9 та гол ва 11 та голли узатма бор.