"Манчестер Юнайтед"даги биринчи мавсум Андре Онана учун осон кечмади. Камерунлик ёмон ўйин кўрсатгани учун танқидга учради, лекин аста-секин вазият яхшилана бошлади.
"Манчестер Юнайтед" матбуот хизмати билан суҳбатда Андре Мануэль Нойер каби бўлишга ҳаракат қилаётганини айтди:
"Ким мени кўпроқ илҳомлантирган? Бу яхши савол, чунки мен замонавий дарвозабон бўлишни истасам, кўплаб дарвозабонларга эътибор беришим керак.
Фикримни ўзгартирадиган дарвозабонни танлашим керак бўлса, Мануэль Нойер деган бўлардим.
Ҳамма гап унинг ўйинига боғлиқ.
Бразилияда бўлиб ўтган жаҳон чемпионатини эслайман, ўшанда Германия жамоаси ғалаба қозонган. Ўша жаҳон чемпионатини томоша қилганимда, мен ўзим орзу қилган посбонни топгандек бўлдим. Нойер мени бошқача фикрлашга мажбур қилди", – деди Онана.
