Макс Эберль Альфонсо Дэвиснинг шартномаси билан боғлиқ вазиятга изоҳ берди.

Аввалроқ, Дэвис ҳафта охиригача "Бавария"нинг янги шартнома таклифини қабул қилмаса, трансферга қўйилиши ҳақида маълумотлар пайдо бўлганди.

“Биз босимни ҳис қилмаяпмиз. Футболчи ва клуб ўртасида нормал муносабатлар мавжуд. Мен омма олдида музокара қилишдан йироқман. Биз жуда адолатли ва тўғри таклиф қилганимизга ишонамиз. Ҳаётнинг бирон бир нуқтасида сиз "ҳа" ёки "йўқ" деб айтишингиз керак. Мен тўсатдан осмондан бир ечим тушишини абадий кута олмайман. Қарорлар ҳар бир томон томонидан қабул қилиниши керак.

Менга нисбатан клуб кучли позицияда. Шунга кўра, Альфонсо Дэвис бўладими ёки бошқа ўйинчи бўладими, қарор қабул қилиниши мутлақо табиий ҳол”, - деди “Бавария” спорт директори Макс Эберль Sky Sports нашрига берган интервьюсида.