"Арсенал" ярим ҳимоячиси Деклан Райс "Манчестер Сити" билан учрашувдан олдин ўз фикрлари ҳақида гапирди.

“Бу мавсумда мен, албатта, ўйинларда жуда қийин вазиятларда бўлдим, агар ғалаба қозона олмасак, жадвалнинг энг юқори поғонасидаги жамоалардан ортда қола бошлаймиз.

Сиз ўйинлар олдидан бу босимни ҳис қиласиз, ғалаба қозониш ва уч очко олиш учун у ерга бориш ва қўлингиздан келганини қилиш кераклигини биласиз. Бу лаҳзаларда мен жуда ҳам ҳаяжонланаман, шунинг учун биз бу шиддатли ўйинларни давом эттирамиз деб умид қиламан. У ерда сиз ўзингиз ва, албатта, жамоа ҳақида ҳам кўпроқ маълумот оласиз", - дея Райс сўзларини келтиради Standart Sport.

"Арсенал"нинг "Манчестер Сити"га қарши ўйини 31 март куни "шаҳарликлар"нинг уй стадионида Тошкент вақти билан соат 20:30да бўлиб ўтади.