"Бавария" Хаби Алонсони мураббийлик кўпригига олиб келмоқчи, буни Мюнхен клуби директорлар кенгаши аъзоси Ули Хёнесс тасдиқлади. Бироқ испаниялик ёш мутахассис келаётган ёзда “Бавария”ни бошқармайди.
Флориан Плеттенбергнинг ижтимоий тармоқларда хабар беришича, Алонсо кейинги мавсумда "Байер"да қолишга қарор қилган.
Қайд этилишича, испанияликнинг қарори ҳақида “Бавария” аллақачон хабардор қилинган. Шундай қилиб, "Бавария" бошқа номзодларга ўтиши керак бўлади. Февраль ойида клуб Томас Тухель мавсум охирида мураббийлик лавозимини тарк этишини эълон қилганди.
