"Bavariya" Xabi Alonsoni murabbiylik ko‘prigiga olib kelmoqchi, buni Myunxen klubi direktorlar kengashi a’zosi Uli Xyoness tasdiqladi. Biroq ispaniyalik yosh mutaxassis kelayotgan yozda “Bavariya”ni boshqarmaydi.
Florian Plettenbergning ijtimoiy tarmoqlarda xabar berishicha, Alonso keyingi mavsumda "Bayer"da qolishga qaror qilgan.
Qayd etilishicha, ispaniyalikning qarori haqida “Bavariya” allaqachon xabardor qilingan. Shunday qilib, "Bavariya" boshqa nomzodlarga o‘tishi kerak bo‘ladi. Fevral oyida klub Tomas Tuxel mavsum oxirida murabbiylik lavozimini tark etishini e’lon qilgandi.
