Ҳужумчи Мауро Икарди келаси ёзда Европани тарк этиши мумкин. Fotomac хабарига кўра, 31 ёшли аргентиналик футболчига “Ал-Ҳилол” қизиқиш билдирмоқда. Саудия клуби Икардига катта таклиф билан чиқишга тайёр.
2022 йилнинг кузидан бери Икарди "Галатасарой"да ўйнамоқда. Аргентиналик футболчи ушбу клуб сафида 64 та расмий ўйинда 46 та гол урган ва шерикларига 19 та голли узатмани амалга оширган.
Нуфузли Transfermarkt портали мутахассислари Маурони 18 миллион еврога баҳоламоқда. Айтиш жоизки, Саудия клублари молиявий имкониятлари кенг бўлгани учун сўнгги йилларда машҳур футболчиларнинг трансферлари устида фаол ишламоқда.
