"Барселона" бош мураббийи Хави Испания Примерасининг 30-туридан ўрин олган "Лас-Пальмас" билан бўлиб ўтадиган ўйини ҳақида ўз фикрлари билан ўртоқлашди.

“Эртага бизни жуда яхши футбол ўйнайдиган ва шахсиятга эга рақиб кутиб турибди. Пимента бизникига ўхшаш услубда ажойиб ишлайди. Унда техник жиҳатдан иқтидорли футболчилар ҳам бор. Улардан тўпни олиб қўйишимиз қийин бўлади.

"ПСЖ"га қарши ўйинга кўп кунлар қолди, шунинг учун бор эътиборимизни эртанги ўйинга қаратганмиз. Биз ишонмоқчимиз ва Ла Лига учун кураша олишимизга ишонамиз. Эртага уч очко олишимиз жуда муҳим. Биз "Реал"га босим ўтказишга ҳаракат қилишимиз керак", - дея Хави сўзларини келтирмоқда Mundo Deportivo.