Парижликлар Лига 1 турнир жадвалида ишончли тарзда пешқадамлик қилмоқда, бироқ ўз уйида яхши натижа кўрсатмаяпти.

Луис Энрике шогирдлари чемпионатнинг 13 уй учрашувида 28 очко тўплашди - бу атиги учинчи натижа. Бу кўрсаткич бўйича пешқадам "Лилль" (30 очко) бўлиб, у жума кунги ўйинда "Ланс"ни 2:1 ҳисобида мағлуб этди. Иккинчи ўринда 29 очко билан “Марсель” бормоқда.

Юқоридаги маълумотларга қарамай, “ПСЖ” Франция чемпионатининг умумий жадвалида катта фарқ билан пешқадамлик қилмоқда – пойтахт гранди 26 турдан кейин 59 очко жамғарган. Иккинчи ўринда "Брест" (47), бир ўйин кўпроқ ўтказган "Лилль" эса 46 очкога эга.

Якшанба куни “ПСЖ” сафарда “Марсель”га қарши баҳс олиб боради.