"Манчестер Сити" бош мураббийи Пеп Гвардиола "шаҳарликлар"нинг жорий мавсумдаги ўйини ҳақида ўз фикрларини билдириб ўтди. 31 март куни Гвардиола шогирдлари Англия чемпионатининг 30-тури доирасида "Арсенал"ни қабул қилади.
"Жорий мавсум "Манчестер Сити" учун яхши ўтмоқда. Ўтган мавсумда содир бўлган воқеалардан кейин биз яна иккита чемпионликни қўлга киритдик. Энди биз яна учта соврин учун курашамиз. Олдинда бизни мавсумнинг муҳим қисми кутиб турибди", - деди Гвардиола журналистларга берган интервюсида.
"Манчестер Сити" айни дамда 63 очко билан АПЛ турнир жадвалида учинчи ўринда бормоқда. "Арсенал" 64 очко билан турнир жадвалида пешқадамлик қилмоқда, "Ливерпуль" иккинчи ўринда.
