Германия терма жамоаси бош мураббийи Юлиан Нагельсманн июнь ойида бошланадиган Европа чемпионати олдидан янги иш топмоқчи. Бу ҳақда немис журналисти Кристиан Фалк хабар бермоқда.

Аввалроқ, Мюнхеннинг "Бавария" клуби раҳбарияти Юлианни бош мураббийликка қайтариш ҳақида ўйлаётгани ҳақида маълумотлар пайдо бўлганди. Нагельсманнинг ўзи 2023 йилнинг март ойида Мюнхендан кутилмаганда четлатилишига қарамай, бу вариантга позитив қарайди.

Яқинда "Барселона" Нагельсманни янги бош мураббийликка номзодлар рўйхатидан олиб ташлагани маълум бўлди. Каталония клуби бор эътиборини бошқа номзодларга қаратган.