Айни пайтда «Машъал» футболчилари Муборакда биринчи лига ўйинларига тайёргарликни давом эттиришмоқда.
Шу пайтга қадар жамоа бош мураббийи Александр Хомяковга Мақсуд Ирисбаев ёрдам бериб келаётганди. Эндиликда мураббийлар штабига ўз вақтида «Трактор», «Локомотив», шунингдек, Ўзбекистон олимпия терма жамоасида ишлаган Марат Мифтахутдинов ҳам қўшилди.
Гап шундаки, Мифтахутдинов ҳозир Муборакда бўлиб турибди ва жамоа машғулотларида бош мураббийга ёрдам бериб келмоқда. Агар ушбу мураббий «Машъал»да қоладиган бўлса, унда маслаҳатчи-мураббий сифатида иш олиб боради. Мифтахутдинов ҳали клуб билан шартнома тузгани йўқ.
